Ang Kare Kare ay isang tradisyonal na pagkaing Pinoy na pinasarap ng giniling na mani at sawsawang alamang. Ito ay puwedeng samahan ng ilang klase ng gulay para mas lalong malasa.
Mga Sangkap ng Kare kare:
- 1 kilong karne ng baboy o baka, oa kaya ay buntot ng baka (Ox tail), hiniwa ng 2 pulgada kalaki
- 6 kutsara ng peanut butter or dinikdik na mani
- 5-10 piraso ng sitaw, hiniwa ng 3 pulgada kahaba
- 2 bungkos ng petsay
- 2-6 piraso ng dinikdik na bawang
- 1 may katamtamang laki na sibuyas, hiniwa
- 1 kutsaritang pulbos na atsuwete para sa kulay
- 1 may katamtamang laki na talong, hiniwa sa 6 na piraso
- 1 kutsaritang patis
Paraan ng pagluto ng Kare kare:
- Magpakulo ng sapat at malinis na tubig sa isang kaldero o palayok.
- Ilagay ang karne at kalahati ng sibuyas. Pakuluan muli hanggang sa lumambot. Maaring umabot hanggang 3 oras ang pakulo (o 30-45 minuto kapag pressure cooker ang ginamit).
- Sa isang hiwalay na kawali, gisahin ang bawang at tirang sibuyas. Ilagay ang karne at pakuluan ng ng ilang minuto.
- Idagdag ang peanut butter o mani, atsuwete powder at patis. Pakuluan muli ng mga 5 minuto.
- Ilagay ang mga gulay at haluin ng banayad bago hanguin sa kalan.
- Ihain na may kasamang alamang. I-enjoy ang iyong kare kare.
Tip: Puwede ring gumamit ng Kare Kare Mix, bawasan lamang ang mani o peanut butter at atsuwete.
Leave a comment