Paano kumuha ng Overseas Employment Certificate (OEC)

Matapos i-launch ng Philippine Overseas Employment Administration (POEA) ang Balik Manggagawa (BM) Online system, naging maalwan na para sa mga OFWs na nakabakasyon sa Pilipinas ang pagkuha ng overseas employment certificate o OEC.

Sa pamamagtiang ng BM Online System, maaari nang kumuha ang mga OFWs ng OEC kahit sila ay nasa bahay lamang gamit ang computer o laptop.

Basahin sa ibaba ang mga simpleng hakbang. Ihanda lamang ang iyong active email address, password at ang lumang OEC number, kapag mayroon na:

1. Buksan ng bmonline.ph sa iyong computer o laptop at punan ang mga hinihinging impormasyon sa “New User” upang gumawa ng account.
2. Matapos kumpletuhin ito, i-tick ang kahong “I Accept the Terms of Services” bago i-click ang “Sign Me Up”. Tandaan ang password na ginamit,
3. Dito ay may lalabas na pop-up na nagsasabing matagumpay kang nakagawa ng account. I-click lamang ang “Okay”.
4. I-check ngayon ang email na ginamit para sa mensaheng ipinadala ng POEA. Buksan ang message (maaaring mapunta sa spam) at i-click ang link na ipinadala.
5. Muli ay may lalabas na pop-up na nagsasabing activated na ang iyong account. I-click lamang ang “Okay” para muli kang dalhin sa BM Online website.
6. Sa pagkakataong ito, i-click ang “Already Registered” at mag-login gamit ang iyong email at password.
7. Lalabas ang verification page para OEC number. Kapag mayroon nang dati, i-type ito. Ngunit kapag wala o nakalimutan, i-click ang link para mag-set ng appointment.
8. Kapag mayroon ka nang record, mayroong lalabas na pop-up para sa confirmation. I-confirm ang employer at job site sa pamamagitan ng pag-click ng “Yes” (Kapag bago ang employer, i-click ang “No” upang mag-set ng appointment)
9. Punuan ang lahat ng Personal Information, Contract Particulars, at Legal Beneficiaries na forms at i-save. Kapag may correction, i-click ang “Edit” at balikan ito.
10. Ngayon ay lalabas ang iyong Profile page. Ilagay ang iyong larawan sa pamamagitan ng pag-click ng “Change Photo” at “Upload Photo”. Kapag tapos na, Next Step ang susunod.
11. Ilagay ang schedule ng iyong paglipad (flight) at i-Submit. Dapat ang petsa ay sa loob ng 60-araw na validity period ng OEC.
12. Muli ay may lalabas na kumpirmasyon. I-click ang “Yes” para magpatuloy.
13. Sunod ay i-click ang “Acquire” OEC.
14. Dito ay kailangan mong bayaran ang OEC sa pamamagitang ng Banks (over the counter), Banks (online), Mobile Payment, at Non-Banks (over the counter). Pumili lamang ng nais na paraan ng pagbayad.
15. I-click ang “Yes” para sa confirmation na lalabas.
16. Pumili ng bangko o payment center kung saan nais ninyong magbayad at “Select” bago ang “Send instructions via Email”
17. Buksan muli ang email at sundin ang payment instructions.
18. Kapag nabayaran na, bumalik muli sa BM Online website at hanapin ang “My Transactions”.
19. Buksan ito at hanapin ang “Print OEC”. I-print ang digital copy ng OEC.

Para naman sa kailangang mag-set ng appointment, sundin lamang ang naunang hakbang sa itaas hanggang number 7 o number 8.

1. Punuan ang lahat ng Personal Information, Contract Particulars, at Legal Beneficiaries na forms at i-save. Kapag may correction, i-click ang “Edit” at balikan ito.
2. Ngayon ay lalabas ang iyong Profile page. Ilagay ang iyong larawan sa pamamagitan ng pag-click ng “Change Photo” at “Upload Photo”.
3. Para sa “Select Location” page, piliin ang branch ng POEA kung saan nais ninyong i-process ang OEC at i-click ang “Next”.
4. Pumili ng petsa at oras mula sa mga bakanteng slot.
5. Dito ay lalabas ang “Appointment Page”. Repasuhin muna ito ng maigi bago i-print.
6. Dalhin ang na-print na Balik Manggagawa Information Sheet sa nakatakdang appointment.

Mga kailangang dokumento sa OEC appointment:

1. Pasaporte na may bisa na hindi bababa sa  6 buwan mula sa araw ng paglipad
2. Work visa, work permit, at iba pang kaparehong dokumento
3. Verified employment contract o kaya ay offer of employment
4. Ang na-print Balik-Manggagawa Information Sheet